/What is Machine Learning | ما هو تعلم الآلة

What is Machine Learning | ما هو تعلم الآلة

خلينا نبدأ ب ايه هي ال machine Learning اصلا.. ال machine Learning هو فرع من الذكاء الاصطناعي فيها بنخلى الآلة تتعلم من غير ما نبرمجها بشكل صريح  زي انها  تتعلم عن طريق التجربة وتختار أفضل الحلول. ودا بيعتمد على البيانات المتوفرة ليها لأنه بعد كدا الآلة هتكون مسؤولة انها تاخد قرارات من نفسها من غير تدخل بشرى

وهنا بيظهر  ثلاث انواع  لل machine Learning

1.Supervised Learning

البيانات في النوع دا بتكون labeled يعني بنكون عارفين ال output للبيانات إلى مدخلينها للموديل اي ف يقدر يتعلم منها عن طريق اننا بنحدد جزء لل training وجزء لـ test

الـ algorithms في النوع دا اتنين

اول نوع وهو ال

Regression :

ودا بنستخدمه لتوقع نتايج رقمية زي أسعار المنازل ودرجة الحرارة.. الخ

تاني نوع وهو ال

Classification:

ودي البيانات بتاعتها بتكون مقسمة إلى فئات زي هل الورم خبيث ولا حميد هل الشركه هتفلس ولا لا. وهل الميل spam or not.. الخ

( الصورة موضحة الـ algorithms الخاصة بكل نوع).

2- unsupervised learning

في النوع دا بيكون معانا البيانات من غير نتائج زي أننا يكون معانا بيانات العملاء في الشركة وعاوز تعمل market segmentation ليهم

في النوع دا الآلة هتتعلم من نفسها من غير ما نعطيها نتائج مسبقة

من طرق التعلم في النوع دا

2.1 Clustering :

وهنا بجمع البيانات على شكل فئات حسب خصائص معينة تتشابه فيها.

2.2 Association Rules :

هنا بيحاول يطلع علاقات بين البيانات ويربط بينهم زي لو أننا في مول وعاوزين نرتب المنتجات بحيث انه العميل يشتري أكبر قدر من المنتجات في هنا يربط بين المنتجات دي ويقول  احتمالية شراء المنتج ب مع المنتج أ كبيره ف وقتها نحط الاتنين جنب بعض وهكذا في مواضيع كثيرة بقا

  1. Reinforcement Learning :

في النوع دا الآلة بتتعلم من نفسها عن طريق التجربة في حالة انها عملت التاسك بشكل صحيح بتكمل عليه ولو غلط بترجع مع مراعاة انها مبتكررش الغلط تانى وتفضل على هذا الأمر لحد ما توصل لأحسن أداء

المختلف في النوع دا عن باقي الأنواع انه مبندخلش لل machine بيانات عشان كدا في بعض الأدوات الأساسية إلى لازم تكون موجوده

3.1 : الآلة إلى هندربها وهي الحالة بتكون بتكون حاجه مادية زي انه يكون روبوت أو محاكاة غير ملموسة زي شخصيه في لعبه إلكترونية

3.2: ال policy أو السياسية العامة

السياسية هنا هي البيانات إلى بنقدمها للآلة عن البيئة ومعلومات عامة عن كيفية الحصول على أعلى مكافئة ممكنة. يعني لو لعبة شطرنج ف السياسية العامة هنا ممكن تكون أفضل الإستراتيجيات لهزيمة الخصم ولو مثلا كانت البيئة حديقة عامة وهنعمل روبوت يمشي ف ممكن تكون السياسية العامة هنا انه يبعد عن الأحجار عشان يحافظ على التوازن وهكذا بقا

3.3 بيئة التعلم ودا والمكان إلى هنعمل التجارب فيه عليه الآلة وهنا بتتعلم الآلة في البيئة عن طريق انها بتستغل السياسية العامة في اتخاذ الإجراءات اللازمة عشان توصل لأعلى مكافأة ممكنة ف بتتعلم الآلة عن طريق استكشاف وتجربة إجراءات مختلفة بهدف فهم البيئة ومحاولة انها تتعلم شيء جديد يسهل عليها الوصول لهدفها

3.4 الحاله أو الوضع الحالي للروبوت أو الأداة إلى بنعلمها ودي ليها أهمية كبيرة في معرفة جودة اختيارات الآلة في الماضي وتأثير الحالة دي على الاختيارات المستقبلية

3.5 المكافأة ودي قرارات بنحددها واحنا بنعمل قوانين المكافآت للاله عشان تبين هل الآلة بتشتغل صح ولا تعدل من نفسها مثال علي  المكافئه ممكن تبقا  عباره عن +1 والخطأ عباره عن 0 أو – 1

ف المكافأة بتساعد  بتساعد الآلة في اتخاذ الإجراءات اللازمة عشان توصل لاعلي قدر منها

3.6 ال action ودي  الإجراءات الممكنة إلى بتكون موجوده في قائمة التصرفات المسموح للآلة بناء على البيئة وحالة الآلة. واتخاذ الإجراءات يعتمد على حالة الآلة في الوقت الحاضر وتأثير الإجراءات دي على المكافآت في المستقبل

بكدا اكون وضحت بشكل سريع كدا ايه هو ال machine Learning وان شاء الله في المرات الجايه هتكلم عن كل algorithm بشكل منفصل وتفصيلي اكتر.

Seif is a computer science student willing to learn very quickly as well as having experience in: Data Science, Data Analysis, Machine Learning, programming, and Digital Marketing Linkedin: https://www.linkedin.com/in/seif-mohamed-45bb26196/