/Planet's Break

Planet's Break

الحمد لله و كفى بها نعمة و صلاة سلاما على عباده الذين اصطفى لاسيما عبد المصطفى صلوات ربى و سلامه عليه
قلت قبل ما أدخل الفى الشغل التقيل – المقال القادم إن شاء الله و الحمد لله جهز – نسخن شوية بكم أمر على كام موضوع مهم و حجمهم صغير على السخان

اتكلمنا قبل كده على users
بس ما تكلمناش ازاى أقدر أكون داخل على السيستم بأكون ahmed مثلا و عايز دخل بأكونت root  من غير ما أطلع من السيستم
أو عايز أدخل بأكون تانى مثلا عشان أجرب حاجة فى السكيورتى من غير برضه ما أطلع من السيستم

الأمر اللى بنستخدمه تقريبا بشكل لحظى مش يومى
su
و بكتب جنبه اسم اليوزر اللى عايز أدخل أو أغير بيه

واضح انى داخل بيوزر اسمه dos

هكتب
su – ahmad هيطلب منى الباسوورد بتاع الرجل الطيب ده .. هكتبه
أوبا لقيت نفسى داخل بالأكونت تانى عادى خالص و لا أى اندهاش 😀

هتلاقى بعض الناس بتكتب الأمر بالشكل ده
su ahmad
من غير ” اللى فى النص

ايه الفرق ؟!

Try it by your self
Hint : Type command pwd after doing it 😉

Screenshot

طب لو انا عايز أكون الحكومة – الرووت يعنى – بسيطة ..نفس الأمر بس ما تكتبش جنبه حاجة

su
أو
-su

و برضه شوف الفرق بنفسك

Screenshot-1

[divider scroll_text=””]

اتكلمنا ازاى نعمل فولد(directory)
بس ما اتكلمناش ازاى نعمل فايل

عندنا ألف طريقة ممكن نعمل الموضوع ده
يهمنى تعرف منهم حاجتين

أمر touch

وليكن
touch newfile
كده انت هتعمل ملف فاضى اسمه newfile فى المكان اللى انت واقف فيه
لو انت عايز تبدأ تكتب فيه .. هنستخدم مبدأيا nano
nano newfile
والناس متقلقش هيكون عندنا مقالة بتتكلم عن file editors  بشكل تفصيلى

Screenshot-2

[divider scroll_text=””]

 كلمة dos اللى انتم بتشوفها فى مقالاتى كتير
ده عبارة عن يوزر اسمه dos انا اللى عامله مش اكتر

فلما أقول مثلا المسار
/home/dos/Desktop
و انت عامل اليوزر اسمه ahmed
يبقى أكيد هتروح للمسار
/home/ahmed/Desktop
مش محتاجة فكاكة يعنى 😀

[divider scroll_text=””]

بعض الأوامر المستخدمة بشكل يومى

cp,mv,rm
cp….copy files/dirs
mv……move files/dirs
rn …….remove”delet” file/dirs

بس الأوامر دى لما بستخدمها مع الفولدرات directories بيكون الوضع مختلف شوية
لأنه من البديهى لما بحب أنسخ أو أحذف فولدر
أكيد هحتاج أنسخه أو أحذفه باللى جواه “محتوياته”
و عشان اعمل كده لازم أستخدم أوبشن معين

Examples

  • files

cp /home/dos/Documents/redhat.pdf   /home/dos/Desktop/
طبعا المسار الأول بيكون المكان القديم و المسار الثانى هو المكان الجديد اللى عايز تنتقل له-
Screenshot-3
 rm /home/dos/Desktop/redhat.pdf
Screenshot-4
 

  • Directories

  cp -r  /home/dos/Documents/  /home/dos/Desktop/
Screenshot-5
هو ده الأوبشن اللى كنت اتكلمت عنه فى أول الكلام (-r) بالظبط
     rm  -r  /home/dos/Desktop/Documents/
Screenshot-6

[divider scroll_text=””]

يتبقى شوية أساسيات على اختصارات هنتعرض ليهم و احنا ماشيين فى السلسة بتاعتنا بإذن الله …
آخر حاجة – أو قبل الأخيرة –

دائما قبل ما بنكتب أى أمر بلانقى الجزء ده مكتوب
[dos@system Desktop]
بإختصار
الجزء الأول هو اسم اليوزر اللى انت داخل بيه
@ معناها على المكنة ” الكمبيوتر أو السيرفر ” اللى اسمها system
ما هو مكنة لازم يكون ليها اسم و ده طبيعيى
لو عايز تعرف اسم المكنة عندك
اكتب أمر hostname
الجزء الأخير .. اسم Directory اللى انت واقف فيه

حاجة كمان

لو فيه حد متابع لينكساوى قديم هيقول على الطريقة اللى بكتب بيها المسارات فى الأوامر طريقة غبية …لأن ليها اختصارات مريحة جدا

مثال واحد عليهم

لو عايز أنقل ملف أو أنسخ ملف من مكان لمكان تانى
و واحد من المكانين دول انا أصلا واقف فيه
بمعنى

/cp /home/dos/Documents/Hamada.txt /home/dos/Dosktop

و أنا أصلا واقف فى /home/dos/Desktop/
ممكن أعوض عن المكان اللى انا فيه بنقطة ( . )
ساعتها هيكون الأمر بالشكل ده

. cp /home/dos/Documents/Hamada.txt

Screenshot-7

بس كده

و كده نقول تم بفضل الله و حوله و قوته
و إن شاء الله هيتم نشر المقال الثامن يوم الجمعة مع المجلة ^_^
ده كان تسخين بس مش أكتردمتم
بخير و فى أمان الله ^_^