/Software Quality Assurance, Episode (4)

Software Quality Assurance, Episode (4)

Bug Workflow

اتكلمنا قبل كده عن الـ bugs و الـ tracking systems . الـ life-cycle للـ bug من بداية التعرف عليها و تسجيلها لغاية الانتهاء منها بتختلف من شركة لأخرى ، فلازم عشان كل واحد في الـ team يعرف مسئولياته بالظبط و ايه اللي مفروض يحصل لما يتم اكتشاف bug ، لازم يكون فيه workflow أو خطوات محددة لما بعد اكتشاف الـ bug هنتكلم عن امثلة منها

Selection_002

أول مثال : الـ Quality Engineer بيكتشف الـ bug فبيعملها report و بيسجلها ف bug record ، بعد كده بتبقى مهمة الـ developer انه يصلحها و بعد كده يقفلها او يبلّغ انها fixed خلاص

الـ workflow ده كويس ، ولكن الاحسن ان يكون اللي عمل report للـ bug ميكونش هو نفسه اللي يصلّحها ، و اللي يصلحّها ميكونش هو اللي يقفلها. الـ Quality Engineer اللي عمل report للـ Bug يستحسن يكون هو اللي بيتأكد في الآخر من انها اتصلحت ، بعد ما استلمها من الـ developer و هو اللي يقفلها ﻷنه هو بيكون اكتر واحد familiar مع الـ bug و يقدر يتأكد اذا كانت فعلاً اتصلحت ولا ﻷ.  بالتالي ممكن نعمل تعديل بسيط على الـ workflow اللي فات و نخليه زي كده

Selection_003

طيب ، لو كانت الشركة بتسمح للـ customers انهم يعملو report للـ bugs ، فالـ workflow هيختلف شوية. اول حاجة الـ customer هيبلغ عن Bug معينة اكتشفها ، هيتعامل معاه customer service و يحاولو يتأكدوا من انها موجودة فعلاً ولا ﻷ ، لو معرفوش يكتشفوا الـ bug دي ، بيكلموه تاني يسألو على تفاصيل ازاي حصلت الـ bug دي معاه بالظبط. لو مشوا على الخطوات اللي قالها الـ customer ولقوا ان الـ bug بتحصل فعلاً في الشروط دي ، بيبعتوها لـ Quality Engineer و يبدأ يجرّبها على test system عشان يتأكد انها موجودة فعلاً ، لو لقاها reproducible بيبعتها للـ developer يعملها fix و بعدين ترجع تاني لواحد من الـ quality team اللي يتأكد اذا كانت اتصلحت فعلاً ولا ﻷ و لو اتصلحت يقفل الـ record بتاعها

و ده شكل الـ workflow لحالة زي دي

Selection_004