/Software Quality Assurance, Episode (3)

Software Quality Assurance, Episode (3)

Tracking Systems

اتكلمنا قبل كده عن انواع الـ bugs و ازاي نحدد priorities ليها عشان نبدأ نصلحها، طيب قبل ما نعمل fix للـ bug لازم نحددها الأول و يكون فيه معلومات كافية عنها
لو احنا شغالين في quality team لازم يكون الـ team كله عنده معلومات كافية عن الـ bugs  و يقدر يعمل logging اول ما يكتشف bug جديدة. عشان كده ، فيه systems بتسهل عملية logging او recording للـ bugs بين الـ team او حتى بين الـشركة و الـ users . ال systems دي اسمها bug base tracking systems

Bug Base Tracking System

 هو نظام بيعمل tracking او تتبع لكل الـ bugs المتسجلة في database
بمعنى، ان لو فرد في الـ team اكتشف ان فيه bug في الـ application اول حاجة بيعملها انه بيضيفها للـ bug base system عن طريق حاجة اسمها bug record اللي بيكون فيه معلومات كافية عن الـ bug عشان يبدأ الـ developer في حلها

من اهم الحاجات اللي ممكن تكون في bug record هي :

1- Project Name : اسم المشروع اللي شغال عليه الـ Team و اللي اكتشف فيه الـ bug

2- issues : ايه هي المشاكل بالتحديد اللي بتسببها الـ bug

3-defect frequency : بتتكرر قد ايه

4-priority : اﻷولوية او اﻷهمية

5-target fix date : المعاد المطلوب اصلاحها فيه

6-attachments : لو فيه اي مرفقات زي screenshots بتوضح الـ bug دي اكتر

و فيه بيانات تانية

من اهم الـ considerations و انت بتعمل customization او بتختار bug base system

1-keep it simple : لازم ميكونش معقد في اضافة bug record عشان يكون سهل على nbso online casino reviews كل الـ team و على الـ users حتى انه يضيف bug اكتشفها و يبدأ الـ team في حلها

2-انه يكون customized ﻷقصى درجة على الـ common language او الاهداف اللي حددها الـ team قبل كده في الـ quality عشان يكون familiar في التعامل معاه

3-لو هيكون bug base متاح للـ customers خارج الشركة ، لازم تحدد ايه هي الـ data اللي ممكن تكون public للـ customers و ايه اللي لازم يفضل internal داخل الشركة

4-تتأكد ان الـ bug base فيه data visualization و analysis tools عشان تقدر تستفيد من الـ data الموجودة  فيها و تحدد ايه هي الـ bugs اللي بيعاني منها نسبة كبيرة و ايه المؤثر بسهولة

من اشهر الـ bug base systems الموجودة حالياُ :

  1. Atlassian JIRA
  2. BugZilla
  3. FogBugz
  4. Apache Bloodhound

Test case  :

هو عبارة عن سيناريو بيتحدد فيه مجموعة من الـ actions اللي هيتعمل بيها test لجزء معين من الـ application و بيكون ليها objective أو هدف ، و شروط قبل الـ test و شروط بعده و خطوات الـ test و ايه هي معايير نجاح او فشل الـ test ده

testcase

الصورة دي مثال لـ test case بكل العناصر اللي قلنا عليه.

و زي ما اتكلمنا قبل كده عن bug base tracking system ، فيه برضه system للـ test cases عشان يسهل المشاركة فيهم بين الـ team ، خصوصاً لو اتنين من الـ quality team بيشتغلوا على نفس الـ test case و مطلوب منهم report واحد. TestCase Management System بيسهل الشغل بين افراد الـ team

من اهم الأشياء  اللي لازم ناخدها في الاعتبار عند اختيار Test Case Management System :

1-سهولة الاستخدام

2-سهولة التعود عليه بالنسبة لأفراد الفريق

3-الشفافية ، بمعنى انه يكون مسئول بالكامل عن التوزيع و الدمج (distribution and merge) للـ test cases اللي شغال عليها اكتر من فرد في الفريق في نفس الوقت ، بحيث متكونش مهمة أي حد انه يعمل بنفسه الدمج ، و إن يكون الشغل كله كأنه على جهاز واحد

4-سهولة التكامل بينه و بين bug base tracking system