/Welcome to The Red Planet!

Welcome to The Red Planet!

 الحمد لله و كفى بها نعمة وصلاة و سلاما على عباده الذين اصطفى ….اللهم لك الحمد كله و لك الشكر كله و إليك يرجع الأمر كله

أرمسترونج لما وضع قدمه على سطح القمر ورفع العلم ..الناس اعتبرت اليوم ده يوم تاريخى لغاية دلوقتى ….احنا برضه يومنا هيكون تاريخى لأننا هنضع قدمنا على الكوكب الأحمر 😀

3 …2 ….1 …. تم وصول المركبة و الهبوط بسلام ^_^

أول حاجة هتشوفها قدامك هى الصورة دى

dos دى اختصار لإسمى مش أكتر عشان بس الناس اللى خيالها واسع

😀

أيوا دى اللى شبه دى فى ويندوز

طبعا نفس الفكرة انى أقدر أعمل أكتر من مستخدم users و كل واحد له username & password الخاص بيه

بعد ما تعمل Login هتلاقى ده الوضع  قدامك

تقريبا فى الشكل الخارجى مفيش أى اختلاف عن ويندوز

……..

Run as administrator

4

أكيد كلنا اتعرضنا ليها فى ويندوز فى ريدهات برضه نفس الكلام نسبيا بس الاسم مختلف عندنا اسمها “Root”

Yup Administrator = Root

عشان يكون الكلام صح بقى ….. نقدر نقول

We have 2 Types of users until now

1. Super User => root

2. Normal User like mohahmed ahmed , etc

فيه نوع ثالث بس مش هنتعرض له دلوقتى فهنتكلم عنه فى وقته إن شاء الله

=============================================

طبعا كلنا فاكرين GUI Vs. CLI

دلوقتى احنا هنعمل عملية -مش تفجيرية- 😀 😀 بس مرة من CLI و مرة من GUI

هنعمل New folder زى بتاع ويندوز

نفس الطريقة Click يمين على سطح المكتب بس عندنا هنختار Create Folder مش محتاجة فتاكة يعنى 😀

Capture[1]

وهتكون النتيجة بالشكل ده :

6

وزى ماكنت بتعمل مع ويندوز هتعمل هنا عشان تغير الاسم

نعمل الموضوع ده زى من CLI

انت عارف CMD اللى فى ويندوز برضه عندنا حاجة زيها بنديها اسم عام Terminal فيه أسماء تانية هنتعرضليها فى وقتها

طب بتتفتح ازاى ؟؟

Click يمين برضه واختر

فهتكون النتيجة انه هيفتح لك نافذة صغيرة كده لذيذة عشان تتعامل و تنفذ الأوامر من خلالها

عشان نعمل folder جديد هنستخدم أمر اسمه mkdir وبعد كده مسافة و نكتب اسم الفولدر

يعنى هنعمله و نكتب اسمه فى خطوة واحدة مباشرة

و بعد كده تدوس Enter عشان تنفذ الأمر

روح على الديسكتوب هتلاقى فعلا فيه فولدر تانى اتعمل بإسم CAT2

طب لو أنا من Terminal و عايز اعرف ايه اذا كان اتعمل و لا لأ أو اعرف ايه الحاجت الموجودة فى المكان اللى انا فيه

سهلة ..هنستخدم أمر ls

كده احنا حطينا أول علم على كوكب ريدهات …ونكمل مشوارنا الأسبوع القادم إن شاء الله

أى أسئلة أو استفسارات ..مش هقولكم ضعوها فى الكومنتات اللى تحت 😀

دمتم فى أمان الله و رعايته