/Difference between GUI and CLI

Difference between GUI and CLI

الحمد لله و كفى بها نعمة و صلاة و سلاما على عباده الذين اصطفى لاسيما عبده المصطفى صلى الله عليه وسلم اللهم لك الحمد كله و لك الشكر كله و إليك يرجع الأمر كله

ختمنا اللقاء الأول بسؤال عن GUI و CLI و هو اى منهم بيستهلك من إمكانيات الجهاز أكثر، الأول نفتكر GUI و CLI دول اختصار لإيه ؟

GUI : graphical user interface
CLI : Command-line interface

لتوضيح الصورة مثال بسيط انت لما بتيجى تشغل pes 2014 عارف انها وحشة بس معلش استحملنى 😀 .. لازم يكون عندك كارت شاشة معين و رامات كويس و الكلام ده ، طب حضرت لو جيت مثلا تعمل ping على موقع من خلال cmd بتاع الويندوز، أكيد الأمور هتكون أبسط. طبعا انا سامع واحد هناك في آخر الصف بيقول ايه ده هو جايب مثالين مالهمش علاقة ببعض أصلا !!

أيوا يا سيدى كلامك صح، أنا بس بدلل على ان الواجهات الرسومية أو GUI بتستهلك من سعة الجهاز بصفة عامة أو بكلمات أخرى انى لو أقدر أنفذ task و قدامى طريقين GUI وCLI لو عايز دلع أكيد هتختار GUI وتريح دماغك.
طب لو عايز توفر فى استهلاك الجهاز أكيد أكيد هتختار CLI ، كمان ﻻزم تعرف ان الحاجة اللى بتتنفذ ب CLI بتاخد وقت أقل نسبيا من لو انها اتنفذت من GUI

عشان كده بنقول ان الرجل اللى شغال سيرفر مش محتاج GUI لأنه عايز يستخدم كل صغيرة و كبيرة من امكانيات جهازه فى الشغل الحقيقى، و عشان كده فى الشرح بتاعنا أغلب شغلنا هيكون على CLI تمام ؟؟؟ تمام 😀

كده تقريبا بأول 3 مقالات خلصت المقدمة اللى عايزها ، نبدأ النهاردة نشوف السيستم عامل ازاى ؟ ، ناخد مجموع الأصوات ؟؟ مــوافــقة .. ييبقى على بركة الله 😀

من أول النهاردة هنحتاج الاتى

  1.  VMware® Workstation 9
  2. RHEL6.3.iso
  3. 10 G free space on your lap/PC

الحاجات دى تكون جاهزة ان شاء الله ^_^ من المرة القادمة ، بالمناسبة قبل ما أختم، عايز تفاعل من الناس ..لا لا مش لايكات و كومنتات و الكلام اللى مبأكلش عيش ده 😀
عايز أشوف ناس عايزة تشتغل لأن التراك لسه طويل و هيكون ممتع إن شاء الله ^_^ .. لأن لب الموضوع “مترميش القشر هنا” يكمن فى الشغل العملى مش الكلام النظرى المجرد.
دمتم بود وفى أمان الله ^_^