/Data Link Layer

Data Link Layer

هنكمل النهارده ان شاء الله شرح بعض المفاهيم الاساسيه فى عالم الشبكات

ارسال البيانات من جهازى اى اجهزه اخرى فى الشبكه له 3 انواع بتعتمد على مين انا هبعتله، هل جهاز واحد او اكثر من جهاز أو كل أجهزه الشبكه ؟!

1-      (Unicast (one to one

ودا لو انا ببعت من جهازى لجهاز واحد بس فى الشبكه

2-      (Multi cast (one to many

لو هبعت من جهازى لاكثر من جهاز فى الشبكه

3-      (Broad cast (one to all

لو هبعت لكل الاجهزه الموجوده معايا فى الشبكه

1

CSMA/CD


Carrier Sense Multiple Access / Collision Detection

 خلينا نشرح الموضوع ببساطه على الصوره دى
2

لو أنا عندى مجموعه أجهزه متوصله على نفس الشبكه قبل الجهاز ما بيبعت اى data  لازم يعمل sense  عشان يشوف هل ال channel فاضيه ولا لا ؟
و بعد كده بيقوم بعمليه الارسال

طب نفترض ان جهازين عايزين يبعتوا و عملوا sense فى نفس الوقت و وجدوا ان ال channel  فاضيه و بالتالى هيبعتوا فى نفس الوقت،  و هنا تحصل المشكله وهيحصل ما نسميه بالتصادم
بنستخدم CSMA/CD  عشان لو حصل تصادم نعالجه باننا نأخر احد الاجهزه عن الارسال عن الجهاز الاخر و بكده نتلاشى التصادم

 (MAC Addressing (Media-Access control addressing

اتكلمنا فى المقاله الثانيه عن osi layers  و تحديدا فى datalink layer  ذكرنا انها تهتم بما يسمى MAC address
وهو عباره عن رقم مكتوب بال Hexa-decimal  يتكون من 48 بت او 6 بايت
زى ما احنا شايفين فى المثال الجاى ده
3

الماك بيكون فريد لكل كارت شبكه و بيكون محفور على كارت الشبكه بتاعك، ومفيش جهازين بيكون ليهم نفس الماك ابدا
اول 3 بايت على الشمال دول بيكونوا ثابتين للشركه المصنعه لكارت الشبكه ، و بيتم التغيير فى ال3 بايت الباقيين
زى مثلا ارقام الموبايل
اول 3 ارقام بيكونوا ثابتين للشركه، لو فودافون بيكون 010 موبينيل 012 و كده
و باقى الرقم بيختلف من خط لخط
هى بالظبط نفس الفكره

عشان ابعت لجهاز ببعت على الماك بتاعه ، طب لو عايز ابعت لكل اجهزه الشبكه
broadcast ساعتها ابعت على الماك ffff.ffff.ffff

نكمل الأسبوع الجاي إن شاء الله

Communication and Computer Networks Engineer graduated from faculty of engineering (Mansoura university) , interested in cisco R&S and security .