/OSI World

OSI World

Open System Interconnection model اختصار OSI 

هو موديل يوضح كيفيه انتقال البيانات من جهاز الى جهاز اخر و يتكون من 7 طبقات , كل طبقه تضيف header على البيانات

لكل طبقه لابد من معرفه الاتى :
1- ما هو اسمها وترتيبها بين الطبقات ووظيفتها
2- ماهى البروتوكولات المستخدمه فى الطبقه
3- ما هى الاجهزه التى تستطيع التعامل فى هذه الطبقه

ودا الى هنشرحه ان شاء الله

دى الطبقات السبعه بترتيبهم الصحيح

osi

7- Application layer
وهى اخر الطبقات وهى الطبقه التى يتعامل معاها اليوزر بشكل مباشر،  زى التصفح او التحميل من على الانترنت وهكذا
وبتتعامل مع بروتوكولات عديدة مثل
HTTP (Hyper Text Transfer Protocol ) >> Web browsing
FTP (File Transfer Protocol )  >> downloading
DNS (Domain name service ) >> resolve host name to IP address

ببساطه لما بنحاول نفتح موقع وليكن www.google.com  بنكتب اسمه كده فى المتصفح ولكن عشان نوصله لازم نوصله عن طريق الـ IP فبيقوم الـ DNS  بالوظيفه دى انه يحول الاسم الى IP
SMTP (simple mail transfer protocol ) >> send emails
ويوجد عدد كبير جدا من التطبيقات المختلفه تتعامل معها الـ application layer

6- Presentation layer
مسؤلة عن تهيئه الداتا للـ application layer  و بتقوم بعدة وظائف
Data formatting , encryption , compression and decompression
مسؤلة عن ضغط الداتا و فك ضغطها . ايضا تشفير الداتا و فك تشفيرها
و تتعامل مع بعض البروتوكولات مثل :
..,ASCII ,JPEGMPEG

5- Session layer
وانا على جهازى بفتح اكتر من application  فى نفس الوقت , الطبقة دى وظيفتها انها بتحدد لكل APP  سيشن معينه يشتغل فيها و بتحدد بداية و نهاية كل سيشن، و بيتحدد فيهم نوع الاتصال اللى كنا اتكلمنا عنهم فى بدايه المقاله السابقه
بعض البروتوكولات (مش مهمين اوى):
..,NFS, SQL ,RPC ,X-window

4- Transport layer
هذه الطبقة المسؤلة عن توصيل البيانات من الجهاز المرسل الى الجهاز المستقبل بصورة صحيحة واذا وصلت البيانات الى الجهاز المستقبل بها اى خطأ , فى هذه الطبقة يتم تصحيح الاخطاء

 transportlayer

كما نلاحظ فى الصورة السابقة طريقة ارسال البيانات من جهاز لاخر،  يقوم المرسل بارسال البيانات، و المستقبل ياخد البيانات دى لحد ما يوصل لدرجة انه معتش قادر يستوعب اكثر من كده و يكون الـ receiver buffer full ، بيتوقف الارسال لحد ما يكون الـ receiver buffer  جاهز للاستقبال مرة اخرى،  بعدها يستكمل المرسل ارسال البيانات.
تسمى الداتا فى هذه الطبقه segment

البروتوكولات :
(TCP (transmission control protocol
(UDP (user datagram protocol
و يعتبروا من اهم البروتوكولات فى عالم الشبكات و سوف نقوم بشرحهم تفصيليا فى المقالات القادمه ان شاء الله

3- Network layer
بعد اضافه الـ header  الخاص بهذه الطبقه تسمى packet
فى هذه الطبقه بيتم اختيار افضل طريق للـ packet  عشان تمشى فيه من المرسل الى المستقبل، وهذا ما يسمى بعمليه الـ routing

البروتوكولات :
(IP (internet protocol
بيتم التعامل فى هذه الطبقه بالـ IP

(..,Routing protocols : EX (RIP , OSPF ,EIGRP

الاجهزه التى تعمل فى هذه الطبقه
Router , Layer 3 Switch

 2- Data link layer
بعد اضافه الـ header  الخاص بهذه الطبقه تسمى Frame
تتعامل هذه الطبقه مع الـ MAC address  للاجهزة
MAC address  دا بيكون مطبوع على ال NIC
و الاجهزه الى بتشتغل فى الطبقة دى :
Bridge , Layer 2 switch

1-Physical layer
فى هذه الطبقة بتكون البيانات فى صورة bits
و اسلاك التوصيل هى اكبر شىء معبر عن هذه الطبقة حيث هى المسؤله عن التوصيل و عن سريان الـ Bits

Host To Host Communication

عند الارسال يتم انتقال الداتا من layer 7  الى layer 1 وفى كل مرة يتم اضافة الـ header وتسمى هذه العمليه Encapsulation

 hdr

بينما عند وصول الداتا الى المستقبل يتم انتقالها من layer 1   الى layer 7  و تسمى العمليه De-Encapsulation

4

بعد ما فهمنا OSI 7 layers  الصورة الجاية دى هتوضحلنا اكثر وظيفتهم فى فهم انتقال البيانات من جهاز لجهاز

 3

بكده تقريبا نكون انتهينا من الشرح
نحكى بقى مثال كده عشان نلخص بيه القصه دى كلها
و هنعبر فيها عن البيانات الى بتتبعت من جهاز لجهاز انها عجله (دراجة يعنى)

(Application layer (sender
انت معاك العجله بتاعتك و بتتمشى بيها فى شوارع المنصوره وبعدين قررت انك تبعتها لواحد صاحبك فى باريس فى فرنسا

(presentation layer(sender
اتأكدت انك فاهم العجله متركبه ازاى عشان لما تيجى تفكها قبل ما تبعتها

(Session layer (sender
اتصلت بصاحبك دا فى التليفون واتأكدت انك معاك عنوانه بالظبط الى هتبعتهاله عليه

(Transport layer (sender
مسكت العجله و فكيتها و حطيت اجزاء العجله المختلفه فى صناديق مختلفه، ورقمت الصناديق دى و الاجزاء الى جواها

(Network layer (sender
بحط عنوان صاحبى وعنوانى على كل صندوق من الصناديق

(Data link layer (sender
ببعت الصناديق للمكتب الرئيسى فى القاهره عشان مينفعش تسافر من عندى من المنصوره على طول

(Physical layer (media
شحنوا الصناديق فى الطياره و سافرت على فرنسا

(Data link layer (reciever
مكتب البريد فى باريس استلم الصناديق

(Network layer (receiver
شافوا العنوان الى على الصناديق وعرفوا هما هيوصلوها فين بالظبط

(Transport layer (receiver
صاحبك بيكلمك و بيقولك تمام الحاجه وصلت وجبت واحد صاحبى عشان يركبهالى

(Session layer (receiver
صاحبك قفل الاتصال عشان كان خلاص خلص كلامه معاك

(Presentation layer (receiver
خلاص العجله اتركبت فى بعضها تانى و بقت جاهزه

(Application layer (receiver
صاحبك راكب العجله وبيلف بيها فى شوارع باريس