/Get Started with Networks

Get Started with Networks


مقدمة

نظم الاتصال : يتكون اى نظام اتصال من 3 مكونات رئيسية

1- المرسل

2- المستقبل

3-الوسط الذى تنتقل خلاله البيانات وهذا يكون اما (سلكى , لاسلكى)

تتعدد طرق الاتصال بين المرسل و المستقبل حسب الحاجه و تنقسم الى

1- Simplex mode

فى هذه الطريقه يأخذ الاتصال اتجاه واحد فقط من المرسل الى المستقبل ,لا يمكن للمستقبل ان يرسل اى بيانات

مثال : ارسال اشارات التليفزيون و الارسال من محطات الراديو
مينفعش انت تبعت من الراديو بتاعك حاجه للمحطه الى بتبث الاشاره

2- Half-duplex

كلا الطرفين يمكن ان يقوم بارسال الاشاره او باستقبال اشاره ولكن ليس فى نفس الوقت

مثال : اجهزة اللاسلكى الخاصه بالشرطة
بنلاحظ ان واحد بيفضل يتكلم واول ما يخلص كلام يقول( حول) عشان التانى يبدأ يتكلم هو

3- Full-duplex

كلا الطرفين يمكن ان يرسلوا او يستقبلوا اشارات فى نفس الوقت
مثال : الموبايل , بتقدر تسمع و تتكلم فى نفس الوقت

الشبكة

مجموعة من الأجهزه المتصله مع بعضها البعض لتقدم خدمة معينة للمستخدم
هذه الخدمة تكون غالبا نقل بيانات او معلومات بصور مختلفة من مكان لمكان اخر

ارسال معلومات الى مستخدم اخر او الحصول على معلومات منه
فى البدايه كانت الشبكة مجرد اتصال جهازين كمبيوتر ببعض فقط ثم بالتطور المستمر الان تتصل ملايين الاجهزه مع بعضها البعض لتكون اكبر شبكه وهى الانترنت

1

فى الصورة السابقه نلاحظ ان المستخدم خلال الشبكه يستطيع ان يتصل بكثير من الخدمات (مستخدم اخر , حاله الطقس , البنك  … الخ )

مكونات الشبكة

اى شبكه تتكون من 3 اجزاء رئيسيه

1- الكمبيوتر

وهو مصدر التطبيقات فى الشبكة و يستخدم العديد من البروتوكولات حسب نوع التطبيق المستخدم، كمثال

(HTTP (Hyper Text Transfer Protocol >> بروتوكول الخاص بالتصفح

(FTP (File Transfer Protocol >> البروتوكول الخاص بالتحميل

2- أجهزه الشبكة

(Hub , modem , Switch , Router , NIC (network interface card

اهمهم الراوتر و السويتش

السويتش : دا عشان اوصل اكثر من جهاز مع بعض فى نفس الشبكه

الراوتر : عشان اربط شبكتين او اكثر ببعض

والصوره دى فيها بعض الرموز للاجهزه دى و بعض الرموز المشهوره المستخدمه فى الشبكات عموما

2

3- وسط الاتصال

ودا بيكون اما عن طريق استخدام اسلاك او بدون اسلاك , الاسلاك لها انواع عديده تختلف حسب سرعتاها والماده المصنوعه منها و سيتم شرحها تفصيليا فى المقالات القادمة

مثال لشبكه بسيطه

3

طرق توصيل الاجهزه فى الشبكه

4

1-Bus Topology

لو عايز ابعت رساله او معلومات من جهاز الى جاهز اخر المعلومات هتوصل لكل الاجهزه المتوصله فى الشبكه ودا عيب فى الطريقه دى طبعا

2- Ring Topology

الجهاز بيبعت المعلومات فى اتجاه واحد فقط (اتجاه دائرى) . والشبكه فى التوصيله دى بتكون السرعه فيها قليله جدا الى جانب ان لو حصل اى قطع فى اى نقطه فى الشبكه . الشبكه كلها بتقع

3- Star Topology

غالبا النقطه الى فى النص بتكون عباره عن سويتش وحواليه الاجهزه الخاصه بالمستخدمين
لو اى مستخدم عايز يبعت معلومات لمستخدم اخر المعلومه هتوصل للسويتش وهو الى هيبعتها لمكانها المقصود

والميزه هنا ان الشبكه متوقعش الا اذا حصل عطل فى السويتش الى فى النص بس . لكن لو اى جهاز تانى حصل فيه عطل باقى الشبكه هتكون شغاله عادى جدا

4- Full-mesh Topology

5

نلاحظ فى الصوره ان كل الاجهزه متصله اتصال مباشر مع بعضها البعض (كل جهاز واصل بباقى الاجهزه ) . و بالتالى يكون هناك اكثر من مسار لكى يتصل احد الاجهزه بجهاز اخر ودى ميزه عشان لو مسار حصل فيه مشكله ممكن اوصل من مسار اخر
ولكن تكلفه الشبكه هنا بتكون عاليه

Let n= No. of devices

No. of cables = [n(n-1)]/2

5-Partial-mesh Topology

6

كل جهاز واصل ببعض الاجهزه فقط وليس كل الاجهزه , وهنا بتكون التكلفه اقل

انواع الشبكات

1- (LAN (local area network

ودى اصغر نوع  من انواع الشبكات من حيث الحجم . بتكون شبكه فى مساحه مش كبيرة . زى الشبكه الى فى معمل الكلية، او شبكه فى شركه
بتكون مساحتها محدوده و عدد الاجهزه فيها ايضا محدود

7

2- (MAN (metropoltan area network

دى اكبر من النوع الاول شويه , وهى اتصال اكثر من لان فى مساحه صغيره (محافظه او مدينه ) زى محافظه القاهره مثلا

3- (WAN (wide area network

ودى اكبر من النوعين السابقين، وهى تتكون من اتصال اكثر من لان على مساحات كبيرة جدا مثل اتصال شبكات بين دول مختلفة حول العالم

8

الانترنت

يعتبر اكبر وان فى العالم و هو اتصال كل الشبكات مع بعضها البعض ليتكون شبكة عملاقة

9

دى مقدمه بسيطه عن الشبكات، يمكن فى البدايه بيكون الكلام شويه نظرى لابد منه كاساسيات ، لما ندخل فى التطبيق بشكل عملى هيكون الكلام امتع ان شاء الله.