/Note While Writing Your Code !

Note While Writing Your Code !

 لكتابة كود سليم ومنظم ،  في عدة خطوات لازم نعملها عشان لو سبنا الكود بتاعنا فتره ورجعناله نفهمه عادي جدا او اي حد فتح لكود بتاعنا يمفهه ببساطة .

خطط لمشروعك

زي ما اي حاجة مهمه بنعملها محتاجة تخطيط , برضه الكود محتاج تخطيط و بنخططه عن طريق ان احنا نكتب كومنتات بتدل على الاماكن الي هنكتب فيها الاكواد قبل ما نكتب اي كود في الصفحة ،  في ناس مثلا بتحب تكتب تصور سريع ليها على ورقة ده برضه مفيد عشان ترتب افكارك أوعلشان ماتنساش حاجة مهمه ، وغالبا انت بتكتب حاجات مبدأية ثابتة في المشروع الي بتكتبه لكن مع الوقت و كتابتك في المشروع في حاجات طبعا هتضيفها ، واهم حاجة اختار اسهل الطرق لعمل الكود وتجنب التعقيد

الكومنتات..الكومنتات

ما تصتصعبش الكومنتات ابدا لانها هيا الي هتمكنك من تعديل الكود في اي وقت مهما سبته ، فمهما اخدت وقت لازم تكتب الكومنتات

الوضوح

في حاجتين اساسيتن لازم يكونو واضحين في الكود وهما

1- اسماء المتغيرات

بمجرد انك تستهل كتابة متغير بالطريقة دي x$ ، بعد فتره لو رجعت للكود هتتلخبط بسبب انك مش عارفة الاكس دي بتدل على ايه ، انما لو كتبتها salary$ كده هيكون منطقي انه متخزن فيه المرتب وبالطريقة دي توفر على نفس لف كتير في الكود .

2- الاقواس

مع ان

If($salary<10000)
If($salary>5000)
Echo "The salary is greater than 5000";
Else
Echo "The salary is less than 5000";
Else
Echo "The salary is greater than 10000";
Echo "The end";

هو هو

If($salary<10000)
{
If($salary>5000)
{
Echo "The salary is greater than 5000";
}
Else
{
Echo "The salary is less than 5000";
}
}
Else
{
Echo "The salary is greater than 10000";
}
Echo "The end";

إلا انه يفرق كتير من حيث الوضوح و الترتيب في الكود ، يعني لو جينا بعد فتره نبص في الكود هنلاقي  لخبطه ونقعد بعنينا نقسمهم و طب نهاية ال If دي فين و هكذا ..

Coding standard

زي اي حد بيبدأ يتعلم لغه جديده يبكتب بطريقته او اسلوبه الخاص مثلا اسلوب كتابة المتغيرات

(userName$  اوusername$  او user_name$ )

او حتى طريقة كتابتنا للكومنتات

لكن مع كتابتنا لمشاريع كبيرة و الي ممكن نضمها لاجزاء كتبها اشخاص تانين ، هنا بنلاقي المشكله انه كل شخص مشترك في المشروع بيكتب بطريقته ، فلازم يتوحد طريقة الكتابة و تعريف المتغيرات وطريقة كتابة الدوال و اماكن وجود الاقواس و حتى طريقة كتابة الكومنتات

فمثلا ف ال php coding standard لازم نكتب

<?php ?>

مش نكتب

<? ?>

وطريقة كتابة اسماء المتغيرات هي ال Camel Case مثلا زي userName$

ودي بعض من امثلة ال Codeing standard هنا او هنا او هنا

تكرار الكود

في مراجعة تفحصية للكود بتاعك هتلاقي في مشكلة غالبا بتواجه المبتدأين في اي لغة جديدة وهي تكرار نفس الاكواد في كل مرة بتحتاجها ، و ده طبعا غلط لازم تثبت واحد من الاكواد المتكررة و نادي عليها في كل مرة بتحتاجها في اي جزء من البروجيكت بتاعك

استمرار التعلم

لان العالم دايما بيتطور و كل يوم تطلع تكنولوجا جديده لازم المبرمج يكون على دراية بكل التطورات و المهارات الجديده ، لان التكنولوجيات الجديده في المعظم بتسهل الحلول للمشاكل بطرق اسرع واسهل و ابسط ، انما لو فضلت بنفس معلوماتك كده معناه انك بترجع لورا وبتعذب نفسك كمان

ولانه في ناس كتير في المجال ده بيجيبوا معلومات وطرق لحل المشاكل جديده الا انه مش هتقدر تتابع كل الناس دي فأنت تِخصّصّ كذا شخص او كذا مصدر تثق فيهم انهم يدلوك على المعلومات اللي انت محتاجها وتتابعهم .

الروتين

بكل الطرق حاول تبعد عن الروتين في شغلك يعني لما تبدأ مشروع جديد حفز نفسك في انك تضيف للمشروع اسلوب جديد او تكنولوجيا جديده في شغلك ، واتعلم من اخطائك لو مريت بمشروع مشابه بطريقة تخليك تخلص المشروع اسهل واسرع ، و حاول مناقشه الاكواد اللي بتكتبها مع مبرمجين افضل منك عشان تحسن مهاراتك

في النهاية المثابرة هي الي هتخليك توصل لحلمك وتخليك توصل للاحترافيه اللي نفسك فيها ، بالاضافة لان مجال الكمبيوتر بالذات هو الي هتفضل لحد ما تموت و انت بتتعلم فيه.