/السعه الحقيقيه لوحدات التخزين

السعه الحقيقيه لوحدات التخزين

النهارده هنتكلم عن معلومه بسيطه بس بتحير ناس كتير ، دايما لما بنشتري hard disk أو flash memory أو memory card بيكون حجمها اللي بتباع على أساسه ، أكبر من الحجم الفعلي اللي بنشوفه ساعه ما نستخدمها ، حد يعرف ليه ؟

سامعك ياللي بتقول لما بنقسم الهارد البارتشنز بتضيع جزء من المساحه ، ده صحيح فعلا لكن ده جزء بسيط جداا ، و مش هو ده السبب الرئيسي و الدليل لو جبت فلاشه هتلاقي بردو حجمها الفعلي أقل من المكتوب عليها

السبب الرئيسي في الموضوع ده هو إن المصنعين بتوع وحدات التخزين من هارد و فلاشه و غيرها بيعتبروا الجيجا 1000 ميجا و الميجا 1000 كيلو و الكيلو 1000 بايت يعني بيحسبوها للأساس 10 بس . فلما بيقول الفلاشه دي مثلا 16 جيجا بيكون حجمها فعلا 16*1000*1000*1000 = 16 مليار بايت.

ما أجهزه الكمبيوتر و الموبايلات و غيرها دي بتتعامل زي ما إحنا عارفين بالباينري فوحدات القياس فيها الأساس فيها بيكون 2 و بكده بتعتبر الجيجا 1024 ميجا و الميجا 1024 كيلو و الكيلو 1024 بايت

فعلشان الكمبيوتر يقول الفلاشه دي 16 جيجا بالظبط لازم يكون حجمها = 16*1024*1024*1024 = 17179869184 بايت يعني الفرق = 1717986918416000000000 = 1.09883880615234375

يعني تقريبا في نقص في المساحه  1 جيجا و 100 ميجا ، يعني الفلاشه اللي أنت بتشتريها مكتوب عليها 16 جيجا في الحقيقه بتكون تقريبا 14.9 جيجا.

[divider]