/Network topologies

Network topologies

السلام عليكم ورحمة الله وبركاته .. إن شاء الله هنتكلم فى الموضوع دا عن أشكال الشبكات, ومبدئياً لازم نعرف إن فى نوعين من ( Topologies ) :-

1. logical Topology : ومعناه إزاى الإشارة ماشية فى الكابلات وطبعاً غير مرئية
2. physical Topology : ومعناه طر يقة تركيب وتوصيل الكابلات فى الشبكة ودا مرئى عادى.

Physical Topology

– Bus Topology :-
-مجموعة الاجهزة متصلة مع بعض والاشارة تسير فى اتجاهين, والداتا بتتبعت على شكل اشارات

-الداتا بتتبعت لكل اجهزة الكمبيوتر المتوصلة بالشبكة, والكمبيوتر اللى بيتوافق عنوانه مع العنوان الموجود فى الاشارة اللى بيستقبلها , بيستقبل البيانات

*Collision: مشكلة التصادم احيانا بتحصل وهي إن أكتر من جهاز يبعت داتا فى نفس الوقت على نفس اللينك !
*Terminator: والحل بوضعه  عند طرفين اللينك وبيتوصل بكل الأجهزة اللى فى الشبكة وبينظم الإشارة.

المميزات :-
لو حصلت مشكلة فى اي جهاز الشبكة لا توقف.
سهل.
بسيط.
رخيص.
سهل فى التركيب.
بيستخدم الكابلات بكفاءة.
العيوب :-
لو حصلت مشكلة فى الكابل الرئيسى العمود الفقرى للشبكة, الشبكة كلها تتأثر.
لازم البيانات توصل لكل الأجهزه وطبعاً دا بيقلل من الكفاءه.
بطئ , طبعا لأنه بيبعت الداتا لكل الأجهزه لحد ما يلاقى الجهاز اللى عايزه فعلاً.

-Star Topology :-
على شكل نجمة حيث كل اجهزة الكمبيوتر مربوطة بجهاز وسيط فى المنتصف وكل جهاز مفصول عن التانى ولا يؤثر فيه والإعتماد الكلى على الجهاز الوسيط بحيث بيربط الشبكة كلها ببعض.

المميزات :-
لو حصل مشكلة فى اي جهاز الشبكة لاتوقف.
توسيع الشبكة وإعادة بنائها وتوزيعها سهل .
العيوب :-
لو حصلت مشكلة فى الجهاز الوسيط المركزى اللى بيربط الشبكة كلها ببعض, الشبكة توقف.

– Ring – Circular Topology :-
بتكون الأجهزة على شكل حلقة او دائرة وتنتقل الاشارة فى اتجاه واحد بس بحيث يكون الجهاز الأول هو الأخير ف الحلقة “حلقة مغلقة”, وكل جهاز مربوط باللى بعده , هنا مفيش جهاز وسيط فى النص , هنا كل الأجهزة مربوط ببعض فى شكل دائرة مقفولة. كل جهاز فى الحلقة بيستقبل الرسالة , ولو مش دا الجهاز المقصود “بيتأكد من تفاصيل عنوان الرسالة” , إذن بيبعتها للجهاز اللى بعده وهكذا ,,
بتتنقل الإشارة بين الأجهزة فى الشبكة فى إتجاه واحد بس مع عقارب الساعة أو عكسها.
– لو الجهاز 1 عايزيبعت داتا للجهاز 4 , إذن بيعدى على 2 ومنه إلى 3 وبعدين ل 4 بس.
النوع دا من الشبكات بيستخدم بروتوكول لتنظيم حركة مرور الداتا فى الشبكة , وإسمه Token-Passing Protocol.

غالبا معدش بيستخدم حاليا وإن استخدم بيبقى فى المبانى الصغيرة, المكاتب, المدارس ,,

المميزات:-
مش بتسبب مشاكل لو فى زحمة على الشبكة, وكل الأجهزة لها نفس الكفاءة والأداء متساوى والوصول للداتا.
العيوب :-
توسيع أو تعديل تركيب الشبكة صعب و هيعطل الشبكة كلها و أٌثر على كل الأجهزة لأنه هيفصلهم.

-Mesh Topology :-
كل جهاز مُتصل بكل الاجهزة على الشبكة بكابل منفصل. –
كل جهاز خارج منه كابلات بعدد باقى الأجهزة فى الشبكة. –

المميزات :-
لو حصلت مشكلة فى أى كابل, مش ب أٌثر على الشبكة لآن باقى الكابلات هتقومبوظ فٌته.
العيوب :-
التصميم مُعقد جداً.
غالية جداً, لانها تستخدم كابلات كثيرة.

– Tree Topology :-
بتضم الباص والستار تبولوجى , فهي عبارة عن مجموعة من الستار نبولوجيز مربوطين ببعض على باص تبولوجى عن طريق
hubاو routerاو concentrator .

المميزات :-
مناسبة جداً لتوسيع الشبكة بدون أى عُطل.
العيوب :-
لو حصلت مشكلة للكابل الرئيسى للباص تبولوجى او الباك بون او العمود الفقرى, إذن كل الشبكة توقف.
معقدة وغالية ومُكلفة جد اً, تستخدم كابلات كتير .

-Hybird Topology :-
بتضم 3 أنواع من انواع topology
Ring ,star ,bus

المميزات :-
لو حصلت مشكلة فى أى جهاز لا يؤثر على الشبكة كلها.
بيسمح بتوسع الشبكة بشكل أسهل.
العيوب :-
لو جهاز وسيطٌ  حصلت فيه مشكلة إذن هيأثر على الشبكة كلها

و دا باختصار أهم النقط الأساسية في ال Topology . 🙂