/بين كاتاوي ومخنوق ومنفسن !

بين كاتاوي ومخنوق ومنفسن !

الكاتاوي : ماتيجي أحكيلكوا حكاية كده

المخنوق : لا ماتحكيش


الكاتاوي : لا دي حكاية ليها علاقة بالعلم وكده


المنفسن : انت ايه يا اخي , مش بتزهق من الكلام
في العلم
الكاتاوي : طيب اسمعوني بس , هقولكوا على 3 حكايات صغيرة

المخنوق : لا انت بتهزر باين , انا قايم امشي ياعم , ده شاكلوا فاضي !!
المنفسن : طيب اقعد بس , شوية وهمشي معاك
المنفسن ل الكاتاوي : ارغي ياعم الفلحوس

( *ملحوظة

لاحظ مين اللي هيبتدي الكلام في كل حالة )

وبدأ يحكي الكاتاوي

____________

1

في احدى شركات الطيران

العميل : انا ماتهمنيش الفلوس في حاجة , المهم عندي اني ابقى مرتاح في سفري
الموظف المخدوع !!” : طبعا طبعا يا فندم , أنا بأكد لحضرتك انك هترتاح على الاخر

ياعيني الراجل ميعرفش انه هيرتاح راحة أبدية


*
نداء الى السادة المسافرين الى زائير : نرجوا سرعة التوجه الى البوابة رقم 2862256
😀
الحقيقة الشركة كانت متعاونة جدا , في مقابل مادي كبييير , و فعلاَ ريحت العميل على الاخر و كان طالع الطيارة مبسوط جدا . . . . .
بس . . .
الطيارة وقعت

الله يرحمه
______________________________
المخنوق : الله يرحمه ياعم , فين الكلام المفيد في كده يعني ؟؟!!
الكاتاوي : اصبر شوية بس . متبقاش مخنوق من نفسك علطول كده ومش عايز حد يتكلم خالص !

_____________________________

2


في احدى شركات الطيران

العميل :أنا أدفع أى حاجة مش مشكلة , انا يس عايز أسأل على وسائل الامان في الطائرة و
يقاطعه الموظف : يافندم متشغلش نفسك بأى حاجة خالص
العميل : طب ايه وسائل التكنولوجيا اللي
يقاطعه الموظف مرة تانية : يافندم متقلقش , كله تحت السيطرة


*
نداء الى السادة المسافرين الى زائير : نرجوا سرعة التوجه الى البوابة رقم 2862256

و طلعت الطيارة , صحيح ان الراجل اتكلف كتير جدا بس الكرسي كان مريح جدا , والطائرة طلعت وهبطت في ميعادها بالضبط
و . . . .
والراجل وصل بالسلامة
بس كان متضايق جدا جدا من المعاملة وانه لازم ميسألش على أى حاجة , أى حاجة
كان مخنووق فعلاَ وكاره الرحلة
______________________________

المخنوق : وانا كمان اتخنقت منك , ارحمني انا عندي الضغط , ماتموتنيش ناقص عمر !

المنفسن : شاكلك أصلن ملكش في اى حاجة خالص

الكاتاوي : ياجماعة اصبروا شوية بس

_____________________________

3

في احدى شركات الطيران

الموظف : ملهاش لازمة انك تتعب حضرتك وتيجي لحد هنا

العمبل : طب احجز ازاى ؟؟!!

الموظف : من على النت و كمان تقدر تطبع التذكرة في البيت وتروح المطار على ميعاد الطيارة علطول

العميل : ياراااجل !!! طب قشطة أوي
😀


*
نداء الى السادة المسافرين الى زائير : نرجوا سرعة التوجه الى البوابة رقم 2862256

الراجل راح المطار وركب الطيارة وكان متلخبط جدا علشان ميعرفش اى حاجة
ولما طلع الطيارة لقى الكرسي مرييح جدا و الحياة حلوة
شوية ولقى واحد قاعد قدامه بيلعب في الكرسي اللي قاعد عليه
الراجل استغرب جدا
وفجأة الكرسي بقى الة للجري , !!!
وكل شوية الراجل يحول الكرسي لحاجة تانية حسب احتياجاته , !!!

الطيار كان عبقري وبياخد طرق مختصرة وصعبة , بس واثق من قدراته ومن كفاءة الطائرة
وفي الاخر . . . الطائرة وصلت بسلام وفي أقل وقت

_____________________________

( افتكر الملحوظة اللي قلتلك عليها في الاول )

______________________________

المخنوق : بص يابني , انت حرام فيك الشتيمة , مع السلامة
ومشى المخنوق
الكاتاوي : هيفضل طول عمره كده !!
المنفسن : ما هو عنده حق , فين الكلام المفيد في الحكايات دي ؟؟!!

الكاتاوي : هقولك ياسيدي على الفولة كلها في 3 جمل
المنفسن : قول ياعم باتمان
الكاتاوي : الحكاية الاولى تفهمك ايه هو الويندوز
الحلو منه بفلوس كتير , ولما تشتري الحلو هتفتكر انك خلاص بقى عندك نظام تشغيل رائع , بس . . . شوف الراجل حصل ليه ايه في الاخر !! “

أما الحكاية الثانية تفهمك ايه هو الماك
مريح بس تكلفتوا كبيرة ومينفعش تتدخل في اى حاجة خالص صغيرة او كبيرة , يعني من الاخر انت محكوم عليك بالماك

😀 “

والحكاية الثالثة بقى تفهمك ايه هو اللينكس
قمة الراحة والامان , تقدر تتحكم فيه وتشكله زي ما تحب وتقدر تطور من امكانياته على حسب احتياجاتك , متعة العمل

المنفسن : امممم , طيب استأذن انا بقى , مع السلامة يا فلحوس
الكاتاوي : هيجي اليوم اللي تفهمني
_____________________________

انتهى الحوار لكن فيه بعض التوضيحات
ليه كاتاوي و مخنوق ومنفسن ؟؟
كاتاوي اشارة ل اللينكس وسعة صدره
😀


مخنوق اشارة ل الماك وضيق صدره , زي اللي حصل في الحوار وكمان اللي حصل في الحكابة 2


منفسن اشارة ل الويندوز وو…. وعدم وجود صدر أساسا

😀

والملحوظة فاكرها ؟ دي اشارة ل ان اللينكس هو اللي دائما بيدور على راحتك ويحققهالك , بس الباقي لازم انت اللي تدور على راحتك وتطلبها بنفسك ( بغض النظر عن الحوار اللي مكتوب )

طيب ليه زائير ورقم البوابة الكبير ؟؟

هي جات كده على بالي

مع تحيات
الحملة الوطنية لتطهير الويندوز من البلد , ونشر اللينكس في كل السيبرات