/حوار بين كاتاوي وميكرسوفتاوي

حوار بين كاتاوي وميكرسوفتاوي

الميكروسوفتاوي : اهلا انت جيت!:@
الكاتاوي : اه
الميكروسوفتاوي : طيب
الكاتاوي : عارف ايه هو اللينكس ؟؟
الميكروسوفتاوي : اكيد طبعا ,ده نظام تشغيل
الكاتاوي : و طالما عارف ليه مش بتستخدمه ؟
الميكروسوفتاوي : عشان الوندوز مريحني
الكاتاوي : مريحك !!! يا راجل حرام عليك
الميكروسوفتاوي : و هوا يعني ايه الجديد في اللينكس ده ؟
الكاتاوي : لا خلاص طالما الوندوز مريحك يبقي ملهاش لازمه اني اعرفك علي الفرق بينهم , يا بتاع الانتي فيرس
الميكروسوفتاوي : يا بتاع الانتي فيرس !!! , ده علي اساس ان ده بقيت شتيمه اصلا؟!
الكاتاوي : دي شتيمه وشتيمة وحشة  كمان :P
الميكروسوفتاوي : طيب كلمني بقي علي الفرق بينهم يا عم الجامد
!!
الكاتاوي : بص  يا سيدي
  1. الوندوز نظام تشغيل مغلق , وشركه ميكروسوفت هي اللي تمتلكوا بس اللينكس نظام تشغيل مجان ومفتوح المصدر
  2. اي مطور يستطيع انه يطور النظام ده علي حسب احتياجاته لانه يقدر يحصل علي الشفره المصدريه (“source code”) وطبعا ده مش بيحصل مع الوندوز
  3. اللينكس نظام تشغيل مستقر جدا ونادر جدا ما نضطر لاعاده تشغيلوا , بس الوندروز مشاكلوا ….. (تنتمي الي مالا نهايه):D
  4. اللينكي مش بيحتاج مواصفات جباره عشا يشتغل كويس فا اي جهاز فيه معالج “processor” بينتيوم او اي معالج تاني هايشتغل الجهاز من غير مشاكل تذكر , بس الوندوز بقي مع كل اصدار جديد تلاقي قائمه الموصفات تغيرت وممكن توصل اللي انك تغير جهازك عشان تقدر تشغا معالي السيد الوزير:D
  5. زمان كنا بنقول ان الوندوز اسهل في التنزيل من اللينكس , بس دلوقتي اتسهلت عمليه تنزيل نسخه اللينكس لحد مابقت تتفوق علي نسخ الوندوز في السرعه وده بيبان وانت بتنزل بعض نسخ اللينكس
  6. طبعا نظام ال حماية و الامان في اللينكس حاجة لا تقارن خالص بنظام الحماية في الويندوز , معدي 😀
  7. عمليه تسطيب البرامج في اللينكس صعبه شوية صغيرين عن الوندوز من حيث السهوله , وعشان بتضطر انك تكتب بعض الاوامر عشان تسطب برنامج معين , بس في الوندوز بتضغط علي البرنامج
  8. و next next next , finish بس بيني وبينك ده متعه اللينكس اصلا  (فمتعة الشئ في مدى صعوبته)
  9. كان زمان الوندوز يتفوق علي اللينكس في “الواجهه الرسوميه” “grapical fronted” بس دلوقتي بقت نسخ اللينكس بتيجي مزوده بواجهتين رسوميتين حلوين جد وهما “k Desktop Environment (KDE)”
  10. (“GNU object modeling environment(“GNOME
  11. اللينكس بيوفرلك تحكم كبير في نظام التشغيل بشكل عمرك ماشفته في الوندوز , بمعي ان اللينكس نظام محبوب لاغلب المستخدمين اللي عايزين يتحكموا اكتر في اجهزتهم

و في ااخر كلامي خد المثال ده و ادعيلي
دي متطلبات النظام عشان يشتغل بشكل كويس
XP
RAM: 356 MB.
Processor: 1 Ghtz
HardDisk: 6 GB
Vista
Processor: 3 Ghtz Dual core
Memory: 2 GB
HardDisk: 100 GB.
Video: 256 MB
Networking: 1 Gbit
Ubuntu
RAM: 256 MB
Proccesor: Any
HardDisk: 2 GB
Video: Any
Networking: Any
——————————————————
وفي نهايه الحوار اامن الميكروسوفتاوي بالله وترك الوندوز وبدا يستخدم اللينكس
😀