/مبادئ التحريك

مبادئ التحريك

Animation Principlesمبادئ التحريك

أولا : غالبا ممكن يكون فى ناس متعرفش يعنى ايه تحريك وأنيميشن والكلام ده ؟؟

التحريك أو الأنيميشن ده يعتبر أخر مرحله من مراحل التصميم .. برده يعنى ايه .. هقولك عارف توم وجيرى اللى انت بتتفرج عليهم من وانت لسه فى اللفه ؟؟ وعارف Asrto boy و Ice Age

اللى انت بتحب تتفرج عليهم لحد دلوقتى كل شويه ؟؟ بلاش عارف المفتش كرومبو ؟؟هتقولى اه طبعا ..!

أهو تحريك الرسومات والمجسمات دى بقى اسمه أنيميشن.

طيب الأنيميشن ده بقى مش بيتعمل عشوائى كده وأى حاجه تطلعلك أى حركه والسلام ..!

لأ طبعا أى حاجه لازملها مبادئ لعملها وتحضير من قبلها عشان الحركه تبان طبيعيه.

طيب ايه هى المبادئ دى ؟؟

1 : التوقيت Timing

وزى ما ريتشارد ويليامز – وده علامه من علامات بيكسارقال

“You Could say that animation is the art of timing …”

بمعنى ان ده أهم اول وأهم مبدأ يعنى لو التوقيت بتاع الحركه بتاعتك مش مظبوط الحركه بتعتك مش هتبان ومش هيكون ليها معنى أو اللى بيشوفها مش هيلاحظها أصلا!

2 : التمدد والتقلص Squash and stretch

لازم تراعى نوعيه الأجسام اللى انت بتحركها يعنى مثلا لو بتحرك كوره الكوره دى الماده اللى مصنوعه منها ايه ؟؟ جلد ولا بلاستيك ولا حديد ؟؟ كورة قدم ولا طايره ولا ولا …. ؟؟

ده هيفرق معاك أوى وانت بتحركها.

3 : الاستعداد Anticipation

يعنى باختصار كده الحركه اللى انت بتعملها قبل ما تعمل الحركه الرئيسيه بتاعتك ..

يعنى لو هتضرب حد مثلا لازم بترجع لوره شويه كده وبترفع ايدك وبرده بترجعها لوره شويه وبعدين بتضرب مش بتضرب على طول كده ..!

4: Follow Through

دى بقى عكس الاستعداد لأن دى الحركه اللى بتحصل بعد الحركه الرئيسيه يعنى انت بعد ما بتضرب يا اما بتميل لقدام شويه وايدك بتبعد شويه , رجلك بتتحرك لقدام او لوره .. ملناش دعوه بقى اذا كنت هتطلع تجرى ولا لأ !

5- التتابع Overlapping

دى ليها علاقه بالاجسام المتصله زى سلسله مثلا اى لو بتحرك شخصيه فيبقى زى حركه الايد او الرجل او العمود الفقرى ..

بيبقى فى تتابع فى الحركه بين كل فقره والتانيه عشان يديك سلاسه ونعومه فى الحركه وتبان طبيعيه مش بتحرك جسم آلى !!

ودى كانت اهم المبادئ لأو المبائ الأساسيه اللى لازم تاخد بالك منها لو فكرت تشتغل فى المجال ده!

لو عاوز تعرف تفاصيل اكتر عن المبادئ دى وغيرها تقدر تتابع موقعنا